Մրցույթի շրջանակներում ստացվել է ընդհանուր թվով 130 ստեղծագոործություն, որոնցից 79 պատմվածքներ ու էսսեներ են, 16-ը` հեքիաթներ, 24-ը` դրամատիկական գործեր և 11-ը` վեպեր: 

«Պրոֆեսիոնալ» ընթերցողներից կազմված ժյուրիի անդամները յուրաքանչյուր ժանրից նախապես ընտրել են ստորև ներկայացված գրական երկերը, որոնցից էլ ընթերցողների առցանց քվեարկությամբ կընտրվեն հաղթող ստեղծագործությունները: Այսօրվանից սկսած և մինչև նոյեմբերի 7-ը առաջին փուլը հաղթահարած մասնակիցների գործերի օգտին կարող եք քվեարկել Facebook սոցիալական ցանցի միջոցով` սեղմելով յուրաքանչյուր ստեղծագործության մոտ հասանելի “like” կոճակը:

Ժյուրիի առաջարկով էսսեները և պատմվածքները, որոնք պետք է մրցեին նույն կատեգորիայում, առանձնացվել են և ներկայացված են երկու տարբեր անվանակարգերում: Ի տարբերություն այս ժանրերի` հեքիաթ և սցենար/դրամատիկական գործ կատեգորիաներում ժյուրիի բարձր գնահատականին արժանացել են միայն մեկական գործ, որոնք էլ արդեն իսկ համարվում են տվյալ անվանակարգում հաղթող: Այս երկու գործերի հատվածներին նույնպես կարող եք ծանոթանալ ստորև:

Վեպ

• Հրաչ Բեգլարյան - Փետրափոխում
• Նարինե Կռոյան - Շների համաստեղությունը

Հեքիաթ

• Արմինե Աբրահամյան - Անկիմյուրի բնակիչները

էսսե

• Վարդան Ֆերեշեթյան - Քաղաքը
• Վիոլետ Գրիգորյան - Կամուրջ դեպի Տանյան` արտասովոր բանաստեղծն ու կինը
• Վահրամ Մարտիրոսյան - Անքնություն Փարիզում

Պատվածք

• Պարույր Սանթրոսյան - Մահապատժից ժամեր առաջ
• Տաթև Դերզյան - Ֆուտբոլի գնդակի երազանքը
• Մարինե Քոչարյան - 96

Սցենար

• Վահրամ Մարտիրոսյան - Չարենց




Ժյուրիի նախնական ընտրության արդյունքում երկրորդ փուլին մասնակցող «Վագոնից թռչելու ժամանակը» (Արմեն Շեկոյան) և «Մատրյոշկա» (Արմեն Օհանյան) ստեղծագործությունները հեղինակների ցանկությամբ չեն մասնակցում մրցույթին:

Մեր ժյուրիի կազմում են "պրոֆեսիոնալ" ընթերցողներ.

Վահրամ Դանիելյան քննադատ	Ռուզաննա Տոնոյան Խնկո-Ապոր անվան ազգային մանկական գրադարանի տնօրեն
Մելիք Կարապետյան կինոգործիչ	Գնել Նալբանդյան Newmag ամսագրի գլխավոր խմբագիր
Աննա Սարգսյան լրագրող	Անուշ Քոչարյան ուսանող
Անի Չիբուխչյան Orange-ի ներկայացուցիչ	Սիրանուշ Դվոյան Հայ Գրքի Կենտրոնի ներկայացուցիչ